Date: Aug ~ Sept, 2009 / Age: 22 m
~ 23 m
穎穎是一個固執的孩子, 有自己一套原則, 一定要跟自己的準則去做.
關於別人的事
早上起床時, 如果穎穎比我早醒的話,
她會去床頭櫃拿我的眼鏡, 然後打開眼鏡遞給我戴, 但穎穎"唔識就力",
很多時都大大力咁開我的眼鏡, 所以我已轉了用膠框粗邊眼鏡. (唉~ 我都唔鍾意這款眼鏡, 我鍾意無框多d, 冇法啦~)
我很眼瞓, 說: "唔戴啦~", 但穎穎堅持"隊"個眼鏡埋黎, 好煩架, 唔通我要戴住個眼鏡瞓?
穎穎是不習慣媽媽沒戴眼鏡的樣子, 所以迫我戴.晚上我和穎穎一齊睡時, 穎穎會拉張被子給我蓋, 但大熱天時, 今年的夏天 天天都是酷熱警告, 亞囡真是想熱C我啦,
我拿走被子, 她又再遞過來, 一定要我蓋, 她真是有一套"生活原則". 穎穎一見到鈕釦, 便以為一定要扣上. 我穿恤衫時,
不會扣"頸喉鈕", 穎穎一見, 即指著要我扣返, 我對她說: "e
粒唔洗扣~", "唔扣呀~" 我有一對"人字拖", 有一天那"人字"膠帶爛了, 我便赤腳帶穎穎落樓下去婆婆家,
但穎穎指著雙爛拖鞋, 要我穿上, 我又要解釋給她聽.穎穎叫嚷著, 堅持要我穿上, 我們"糾纏"了一會後, 我唯有穿上那爛拖鞋, 舉步難行地落樓梯, 原來斷左帶o既人字拖真係好難行架!
我和穎爸幫雯雯沖完涼後, 會用棉花棒清潔雯雯的耳仔和 pat pat, 有時雯雯很乾淨, 我便 skip
了這一part, 但穎穎會叫嚷: "花棒~ 花棒~", 我解釋給她聽: "唔一定次次用棉花棒清潔架! 雯雯好乾淨, 唔洗用棉花棒."
但穎穎叫嚷著, 開始扭哭, 說: "花棒~ 花棒~", 我真係冇佢咁好氣, 我覺得穎穎固執到不得了.
家中的東西, 穎穎一定要將它放回原位,
例如我將掃把放歪了少許, 穎穎會出聲: 說: "呀~", 或說 "A ~", 或說: "e 個~"
我回應穎穎說: "擺歪少少冇所謂架!", 但穎穎就有少少不滿, 一定要將掃把放回原位, 固執到不得了.
(不過, 穎穎玩完o既玩具從來都不會自動自覺放回原位, 無手尾, 你話係咪激C我丫!)
有一晚, 穎穎在臨睡前飲支奶奶, 她看見衣櫃門沒有關上,
便叫嚷著, 直至我關上才停止叫, 繼續飲奶小妮子的事
穎穎大個女啦, 很多事情都要親自做. 穿衣, 刷牙要自己來, 當我幫穎穎補刷牙齒,
她就不肯我幫忙, 要堅持自己刷,
出街前, 我又幫穎穎選了衣服, 並為她穿上, 但穎穎不喜歡我選的那件上衣, 還"眼勵勵"望著我, 她要穿睡衣出街呀!
因為我們買了幾件同一款式的睡衣給穎穎在家著, 穎穎固執地認為出街都要穿睡衣.
媽媽我當然不能讓自己個女這樣子出街啦, 所以我和她糾纏了好一會才穿回正常的服裝出街. 婆婆說, 當她帶穎穎去花園淋花, 穎穎會認定哪一個噴壺是自己用, 當婆婆拿來用, 穎穎不准許. (穎已認定了紅色噴壺是她的)穎穎會好似管家婆一樣, 指著綠色那個噴壺, 說: "e 個~", 即係叫婆婆用綠色那個.
穎穎心中已認定了某樣東西是屬於她的, 其他人不可以用.
出門前我幫穎穎穿襪子和鞋子, 有時穎穎突然想自己穿, 便鬆開我的手, 除掉已穿好的襪子和鞋子,
論論盡盡地穿; 但因趕時間出門, 我再次幫她穿上, 她便發脾氣, 說: "唔~" 然後好嬲咁除鞋除襪, 推翻我的"好意".很強的"先入為主"觀念
穎爸的電話響, 我去接聽, 但穎穎走去找我的手機, 然後遞過來,
穎穎覺得我是不可以聽或用穎爸的電話, 各人要用回自己的東西, 穎穎真是傻得可愛! 我們買了一個枕頭仔給穎穎,
是第一次給穎穎枕頭仔, 我高興地把它拋高又拋高來逗穎穎玩, 說: "媽咪daddy 買左個枕頭比你~ "從此之後, 穎穎不會用這枕頭仔來睡覺, 每次見到它, 便把它拋高又拋高.
這個故事教訓我, 以後買了新的東西給穎穎, 一定要用正確的方法示範給她看.
穎穎絕對不肯用雯雯的東西
JOPHY 只係有少少..但係都可以好快轉移佢既線..