穎.第一次發惡夢 (have backed up)

Pageviews 96

Date:  27 April, 2013 ~ Age:  5Y6m2w穎穎很多時侯晚上睡不著,關了燈,到了十二點她仍沒有睡著.
第二天我問她:"點解你夜嘛嘛都唔瞓? 其他人已經瞓晒覺，我見你昨晚打開眼,又郁來郁去?"
穎穎:＂我唔敢瞓？＂（真是嚇C人！）
我：＂點解呀？＂
穎穎：＂我驚發惡夢＂
我：＂你試過發惡夢咩？個夢係點架？＂
穎穎：＂我唔想講呀＂
我（好緊張，從來無想過她會驚發惡夢）：＂你唔講我幫唔到你架喎～＂
穎穎說：＂好多，我唔知點講＂
追問多次，穎穎終於說：＂我夢見被車撞＂
我忍不住說：＂痴線，你試過比車撞咩？點解會發夢比車撞架？平時我地拖住你隻手過馬路，唔會比車撞架喎＂
想不到穎穎的夢如何可怕，我想不出為什麼她會夢見此情境，真是心痛。
穎穎說：＂我唔敢瞓＂
我：＂唔洗驚，假架嘛，點解你唔發去迪士尼玩，你應該發Ｄ去生日會既夢，食雪糕既夢",其實我只是安慰她，或者令她樂觀點去想。
臨睡前，我對穎穎說：＂你記住今晚發去迪士尼既夢呀，知唔知？＂

我又騙穎穎，媽媽常常發夢去哪裡哪裡玩，發夢去食什麼什麼美食，希望令她不要再發惡夢，希望她不要怕而不敢睡。
我對穎穎的最要求是睡多點，吃多點。過了一段時候，我問穎穎：＂呢排有無發惡夢呀？＂
她大多數說無，但有時都說有。