囡囡語錄 2014 Jan（未完成）

Date:  18 Jan, 2014
我有時會想到一些古怪問題問囡囡, 這天, 我問雯雯:"你覺得我咩野最蠢?"
雯雯答:"鬧交~"
我不明所以, 問: "我同邊個鬧交呀?"
雯雯再說: "鬧我地囉~"
哈哈, 這樣不是鬧交, 是鬧人.  雯雯想說鬧佢係最蠢的事 !   

Date:  19 Jan, 2014
穎穎正餐一向吃得很少，星期日外賣意粉回來吃，穎穎也吃得不多，我常常嘮叨她要吃多點。
下午，我有少少餓，煮了雪櫃僅餘的六粒湯丸來吃。
兩姊妹為食，說想試試，於是我平均分每人兩粒。

我特意等一等才吃，穎穎吃完自己的湯丸，望一望我的碗，，問：＂媽咪你食唔食呀？＂

我答：＂我可以食可以唔食～＂
穎：＂我想食一粒呀～＂
我給了一粒穎穎，　她食完又再問：＂ 
穎：＂你飽唔飽呀？＂　（她不是問［你餓唔餓］，問得幾有技巧）
我：＂少少啦～＂
穎：＂我想肥呀，咁我食左佢丫～＂，說罷即吃那最後一粒湯丸。
真是古惑呀！　吃正餐又唔見佢話想肥喎！   

Date:  20 Jan, 2014
臨睡前, 雯雯說:"媽咪, 我覺得忍者小靈精個健仔同叮噹個大雄一樣樣呀,你覺唔覺得呀?"
雯雯真是很似我, 對卡通公仔, 圖像很敏感.