雯雯上琴班時會和老師傾下計, 有時把口仲好招積.
雯雯上了三個月左右, 她和琴老師熟絡了, 會和老師閒話家常, 例如"我尋日睇左XX卡通", 又或是"媽咪帶我去了XX玩", "食左XX", 雯雯會和老師分享她的開心事. 而老師通常說:"我地上堂先, 上完堂再傾啦~"
在舊琴室上課時, 有天我聽到雯雯在上課中途對老師牙擦擦. 老師叫雯雯彈一次上一堂的歌曲, 雯雯說:"好易之嘛~"
當老師示範上一堂教過的cord 的手勢和擺位, 雯雯就說:"之次咪教過囉~", 老師就不愠不火說:"我地溫習番上次教過D野."
真係比雯雯嚇親.
上課途中, 雯雯突然想出上一堂老師提及過會教一個新指法, 雯雯就突然對老師說:"你又話今日(堂) 教彈rainbow 嘅~", 老師就回應教學內容有時有少許調動.
琴老師後來租了一個新琴室, 我就沒有入課位陪兩姊妹上堂. 有一次, 下課後老師對我說:"亞妹都幾得意喎, 今日教新野佢話'呢D好簡單啫,我都識啦', 好搞笑, 到教另一D難D嘅野, 佢又話"呢D好難', 佢好鍾意講野, 家姐就好靜"
雯雯學琴以乎學得不錯, 起碼她沒有抗拒, 有一次下課後老師說雯雯今堂好叻, 老師和雯雯嘗試一起彈一曲, 老師要雯雯彈書本的主音部份,老師彈cord部份,老師說很少四歲多的小朋友能夠和老師夾到, 又說年紀小的小朋友會被老師彈的音擾亂, 跟不到, 而雯雯就可以和老師一起夾一首曲.
有時我問雯雯:"不如唔學琴好唔好?", 雯雯就說不要.
沒有留言:
張貼留言