穎穎問我: "種子係點黎架?"
我像國家地理雜誌旁述員般答她樹木開花結果... 果實有種子... 又再長出新樹, 不斷循環....
然後穎穎問:"咁呢個世界上第一粒種子係點黎架?"
估不到她有這樣的邏輯, 我啞口無言不懂答, 我投降了.
Date: April, 2014
一天下午, 雯雯和我傾談, 剛巧有一兩句她說得辭不達意, 我說媽媽不明白, 雯雯就發脾氣.
我無奈地說: "我點知你個心諗咩啫!?"
雯雯就糾正我: "唔係個心呀! 係個腦呀! 個腦先係諗野!"
雯雯說得真有道理, 無得反駁.
Date: 21 June, 2014
我們一家四口在街上行, 我拖著雯雯, 回頭看看行得慢的穎穎和爸爸, 嘆了一口氣說:"你睇, 家姐對腳幾幼, 成對快子咁~"
雯雯:"家姐對腳成條百力滋咁~"
我:"吓, 你笑家姐 !?"
Date: 25 June, 2014
雯雯從小到大都很貪靚, 她竟然問我: "媽咪, 我大個會唔會變靚架?"
這個問題真是很難答, 我真的不知道啊~
Date: 30 June, 2014
我和穎穎, 雯雯在家中一起做了朱古力曲奇餅, 想不到自己做的曲奇非常美味, 簡直和街賣的曲奇一樣, 我留了一半打算拿回公司給同事試試. 餘下的一半給兩姊妹吃過不停, 我叫她們留一些給公公婆婆.
到了晚飯時間, 我們一起去婆婆家吃晚飯, 順便請婆婆吃曲奇. 過了一會, 雯雯走來我面前, 說: "我唔記得D朱古力係咩味, 我想食多塊~", 然後靈出一副很想很想食的傻樣子.
家姐都沒有她那麼貪吃.
沒有留言:
張貼留言