2013年8月7日 星期三

朋友仔 - 探雯雯

Date:  17 Aug, 2009  ~  Age:  穎穎  1Y10m1w /  雯雯 28 days
好開心~  好開心~  今日有一班 0710 的朋友仔來探穎穎和雯雯. 
穎穎上一次見這班朋友仔是薰衣草園o既聚會, 佢地無見兩個幾月啦.  
朋友仔未黎, 穎穎o係屋企就扮鬼臉自娛, 一條頸鏈都可以玩成咁.

朋友仔黎左啦~  大家一齊玩, 有交流架~
 柔柔黎到先醫下個肚.


食飽左果然好精靈, 你睇佢嘟咀扮鬼瞼個樣幾 cute !  E E 好鍾意呢個樣呀 !
 柔柔媽叫柔柔單下眼比大家影相, 呢個 model 好合作喎 !

恩恩好多野講架, 好叻, 佢好活潑, 一d都唔怕羞

雪嵐的頭髮真係好長, 講野都好叻

男子組有當當同熹熹, 當當在室內都非常"活力小子", 我睇佢拋個波波拋得非常之大力, 拋得好高, 好犀利呀!

熹熹無以前咁怕羞, 而佢o既迷人眼神真係冧C女仔呀!

穎穎雖然有主場之利, 但佢今日非常之被動, 唔出聲, 唔多同朋友仔玩, 只係觀察人地玩, 唔知穎穎幾時先至學得主動d ?


佢地三個女仔好鍾意一齊玩架, d 女仔係咁架, 鍾意一齊玩玩具.

今日柔柔成日摸穎穎塊面, 摸完左邊摸右邊, 好似當穎穎係洋娃娃咁, 唔至呀, 仲搭住穎穎 shoulder 呀, 我諗佢地再大個d一定好 friend 啫~

影佢地5個小朋友 (雪嵐有事做走先, 下次再玩過啦~) o既合照, 要出"提子乾"呢一招, 趁佢地食緊就好影啦, 好快佢地就散開, 好難影架啦.
其實今日同咁多位朋友仔見面, 已經好開心, 多謝晒大家探雯雯BB 之餘仲咁客氣送禮物比雯雯!  多謝晒 !!!!
  • Mandy (恩恩媽) Mandy (恩恩媽)
    真係打攪晒，唔知穎爸有無投訴 (要佢放工番黎執玩具呢)~雯雯真係好乖，我地咁嘈都仲訓得咁甜喎！好彩我今次探初生B有備而黎(袋埋恩恩個BB公仔)，如果唔係又話要抱BB走架喇~恩恩唔係活潑而係頑皮，仲搞喊熹熹和當當..
    真係打攪晒，唔知穎爸有無投訴 (要佢放工番黎執玩具呢)~雯雯真係好乖，我地咁嘈都仲訓得咁甜喎！好彩我今次探初生B有備而黎(袋埋恩恩個BB公仔)，如果唔係又話要抱BB走架喇~恩恩唔係活潑而係頑皮，仲搞喊熹熹和當當，如果有穎穎一半咁乖咁我就安樂囉~
    • 穎穎雯雯媽咪 穎穎雯雯媽咪
      唔打攪, 我坐月都好悶, 見到你地 我好開心就真!  之後我忍唔住手執返d玩具, 所以穎爸冇投訴, hehe...
      我鍾意恩恩咁開朗好動, 希望穎穎感染到恩恩o既熱情.
  • zion zion
    • zion

    • Aug 28, 2009 6:37 PM


    好熱鬧啊~各位小朋友都玩得開心呢!!
    Reply this comment
    • 穎穎雯雯媽咪 穎穎雯雯媽咪
      係呀, 最開心係穎穎, 佢好耐無見班朋友仔啦.
  • amy amy
    • amy

    • Aug 28, 2009 2:38 AM


    um~~個個都係可以平日黎探你地 so good
    Reply this comment
    • 穎穎雯雯媽咪 穎穎雯雯媽咪
      係呀, 平日有平日o既好處.
  • Yim Shan Yim Shan
    當日真係打攪哂呀! 熹熹都玩得好開心呀!
    Reply this comment
    • 穎穎雯雯媽咪 穎穎雯雯媽咪
      唔打攪, 我坐月都好悶, 見到你地 我好開心就真!
  • Angela Angela
    穎穎真係超文靜!!
    • 穎穎雯雯媽咪 穎穎雯雯媽咪
      係啦, 我要多些帶佢出街, 等佢唔好咁呆呀!
  • Joanne Joanne
    當日打攪晒,希望我地班小鬼唔好嚇怕雯雯就得啦....
    Reply this comment
    • 穎穎雯雯媽咪 穎穎雯雯媽咪
      唔打攪, 我坐月都好悶, 見到你地 我好開心就真!
  • 我家兩豆丁 - audreyMAmi 我家兩豆丁 - audreyMAmi
    咦!! 明明標題都係"探雯雯", 點解無雯雯嘅相架?? 我suppose嚟你blog可以visit下穎穎同雯雯喎... 掛住掛住呀!!
    • 穎穎雯雯媽咪 穎穎雯雯媽咪
      哎呀, 雯雯掛住瞓, 我唔記得同佢影相添

張貼者： 於
標籤：

沒有留言:

張貼留言

訂閱： 張貼留言 (Atom)