惡過家姐

Pageviews 194
Date:  April, 2012 ~ Age: 4Y6m / 2Y8m雯雯真係好硬淨,會捍衛自己.

 近來觀察所見,平時兩姊妹玩玩下玩得癲會不自覺得打對方的手腳,
家姐會由得妹妹打(玩果隻)不還手; 雯雯被家姐打手,會發惡還手.

 有一次,家姐一邊唱歌一邊做體操,心情極hyper,
一邊唱歌一邊拍雯雯的手來打拍子,拍打了幾下便走開,
雯雯呆左幾秒, 覺得有D唔妥, 繼而樣子嬲爆叛, 然後追去打家姐報仇.

 有一次,雯雯要唱歌給我聽,唱了三句,穎穎又加入一起唱,
雯雯即時很嬲怒,對穎穎大叫:"你唔好唱呀!"

家姐也很愛唱歌,仍繼續唱. 雯雯怒望家姐大叫:"你唔好唱呀!",
家姐沒有停止唱歌,雯雯就走去家姐跟前,用雙手整家姐(唔識點形容,總之係好肉緊咁捉住鏈住穎穎D肉).

然後嬲糠爆爆把被子蓋著自己耳朵,在被窩中唱歌.
原來雯雯想要獨唱, 她嫌家姐把聲蓋過自己把聲.