囡囡語錄.5月份

Pageviews 222
Date:  May, 2012 ~ 雯 2Y9m

有一天放工回家,如常去婆婆家接雯雯,我抱她上樓上,當我關門時,我的手袋撞倒那扇鐵門,發出"Bon"一聲,雯雯以為我的手撞倒門,便對我說:"你撞到呀? 痛唔痛呀? 我鍚返你啦~"
講完就鍚了我的嘴一啖.  我說:"多謝雯雯~"
她說回答:"多謝媽咪~"
雯雯真係好 sweet 呀~

 Date:  20 May, 2012 ~ Age:  穎4Y7m1w晚上一家人看電影,一名光頭的男藝人(金剛)出場,穎穎一見,即說:"又係大耳朵人出黎啦~"
我還是第一次聽穎穎說這些話. 我覺得小朋友的觀點很特別,那藝人其實不是耳朵特別大,只是沒有頭髮,耳朵全露出來.

 Date:  27 May, 2012 ~ Age:  4Y7m2w
今天去畫班接穎穎放學,那時只有穎穎和朋友仔柔柔未完成畫作,不久柔柔在哭,我估她可能是想去厠所,或見爸爸仍未來課室接她.
事後我問穎穎:"你有冇見到柔柔喊?", "你知唔知點解佢喊?","點解你唔去安慰佢?"
穎穎一邊指住鞋子一邊說: "我今日著左對新鞋,呢隻腳趾好迫,我落唔到地過去安慰佢呀~"
真定假呀你!? 我真係估唔到佢會講呢個答案,我以為佢會答"唔知道點安慰別人"之類的答案添!

 Date:  27 May, 2012 ~ Age:  雯雯有時講野都幾成熟,佢在小童厠板便便,過了一會我走去看看她完未,她就說:"唔好睇住我啦! 好醜怪呀!"

 Date:  30 May, 2012 ~ Age:  4Y7m3w這晚穎穎臨睡前和我談天,她煞有介事地說:"媽咪,我聽到我個心同我講野呀~"
我好奇地問:"你聽到個心講野!? 個心講咩野呀?"
穎穎說:"我夜晚去Daddy間房(書房)睇佢打機,但係我個心叫我唔好打機,同埋唔好睇Daddy打機~"
這句"個心同我講野"真係充滿童真!