Pageviews 120
Date: 25 June, 2010 (Friday) ~ Age:
2Y8m2w
穎穎在我的疏忽照顧下患了肺炎, 至於怎樣疏忽我真是羞於公開, 大致是沖完涼洗完頭後冷病,
總之我和穎爸心中知道及已經十分內疚.
26號(Sat) 早上6:00 a.m., 我起身看一看穎穎, 嚇見仍在睡覺的她打開上衣露出了肚子, 被子被踢開了,
全身在震抖, 嚇到我心在狂跳, 不知穎穎抖震了多久. 我立刻攬著她, 她在我懷中震抖, 全身都冷冷的.
6:30 p.m. 穎穎發燒燒到 38.3度, 食了退燒藥, 全身發冷, 微微震抖.9:30 a.m. 我幫穎穎沖涼, 之後穎穎看來無事, 玩得又食得.
可是在 5:15 p.m. 又發燒, 38.4度, 於是我們帶她去看醫生, 醫生說穎穎沒有咳, 沒鼻水, 耳和喉嚨沒有發炎,
但聽肺有雜聲, 之後用儀器測試中指, 測到血液中的含氧量低, 說她患了肺炎, 開了抗生素, 吃7天, 每天吃一次, 2.5 ml
我問醫生, 穎穎是否冷病? 醫生說不是, 肺炎成因是在一個人的抗拒力低時, 而四周圍有病菌, 便很容易中招.
我再問: "咁係咪即刻冷親, 佢一晚踢幾次被子, 我地整晚開了冷氣", 醫生說未必關事, 總之肺炎是感染到病菌.
一個仍然令我感到疑惑的答案.
10:00 p.m. 忽然發高燒 40.2度, 又再嚇c我.
兩歲八個多月大的穎穎, 很乖很聽話的苦著臉吃藥, 不用我使出[我一啖, 你一啖]的招式來餵藥, 她乖乖地坐定定吃藥,
看來她又長大了一點點, 懂性了一點點.
不過, 她剛剛乖乖地吞下的藥, 突然 "lur" 一聲嘔出來, 嘔到在衣服和地上, 那一刻心情簡直係灰呀!!!!
之後幾天每當吃藥時, 也是常常在扮嘔與真嘔之間, 真是不可以餵藥餵得太急和太多, 每餵一小啖也要餵水給她清一清喉嚨.
灰呀!!!! 極痛心!!!
唔好怪自己啦! 因為肺炎未必關冷親事, 反而流感or其實病毒感染會並發肺炎就真! 我係幾年前都試過流感引至肺炎, 真係燒左5-6日, 睇2次私家醫生入左一..
唔好怪自己啦! 因為肺炎未必關冷親事, 反而流感or其實病毒感染會並發肺炎就真! 我係幾年前都試過流感引至肺炎, 真係燒左5-6日, 睇2次私家醫生入左一次屯門醫院急症都check唔到係肺炎, 係去左仁濟急症照肺先睇到肺片有d花先知係肺炎, 我記得個時都病得幾辛苦, 真係怕燒壞腦!
驊驊踢被又係好嚴重架, 所以我一定同佢著長袖衫褲瞓覺囉! 褲仲選係有腰封個隻, 無咁易打個肚出來麻, 其實有d薄被袋, 可以比佢夜晚瞓當係被囉!
既然醫生都話係病菌感染, 就唔好怪責自己, 病唔一定係凍親呀!