穎穎的語錄由日期順序記錄的.
Date: 19 Feb, 2010 ~ Age: 2Y4m1w
當我們幫穎穎換了片片, 爸爸叫穎穎幫忙掉去舊片片, 對穎穎說: "穎穎執拾尿片啦."
穎穎回應: "媽咪執丫~"
爸爸聽完, 不停笑, 話穎穎唔想做就叫媽咪做.
吓, 穎穎真係好"孝順"媽媽喎 !!
Date: 15 March, 2010 ~ Age: 2Y5m1w
一家人在看 Discovery Channel, 我問穎穎: "熊貓得唔得意?"
通常穎穎都會答得意, 出奇地, 她說 :"唔得意!"
我問: "咁邊個得意?"
穎穎答: "雯雯得意."
我聽後很開心, 看來穎穎都幾鍾意妹妹. Date: 21 March, 2010 ~ Age: 2Y5m1w
兩歲五個月大的穎穎, 識用籍口推媽媽喇, 這天, 我正幫穎穎換衫,
我說: "過黎換衫"
穎穎回應: "我整緊野~"
穎穎明明無野做, 不想換衫就竟然用"忙"做籍口, 唉, 激C人啦.
有時叫她過來吃飯, 收拾玩具, 幫手, 穎穎就說: "我整緊野呀~" 來推掉我, 佢明明當時無野做架!
Date: 22 March, 2010 ~ Age: 2Y5m1w
今天放工回到家, 我和爸爸閒談起來, 穎穎見到爸爸媽媽二人在談話, 便說: "唔講野!", "全部唔講野!"
我明白穎穎希望爸爸媽媽理一理她, 關心一下她, 當她命令我和爸爸不要談話, 我覺得好好笑, 真是好好笑, 雖然她是有點不禮貌.
* * * * * * *
* *
晚上, 我哄雯雯妹妹瞓覺, 唱[月光光, 照地堂]給雯雯聽, 當我唱到[蝦仔, 你乖乖瞓落床],
我便稱呼雯雯做[蘇蝦仔], 說"蘇蝦仔快d瞓啦~", 穎穎聽到, 即刻(很認真地, 惡C地)說: "唔係蘇蝦仔! 係蘇BB !"我覺得[蘇BB] 這個稱呼好搞笑, 穎穎的邏輯真是奇啊~ Date: 28 March, 2010 ~ Age: 2Y5m2w
這天, 雯雯第一次食餅餅, 當然係唔識食, 穎穎見到, 便說:
"雯雯食到好烏嘈... 好那渣.... 好dirty, 好核突", 然後笑了一笑雯雯.
當雯雯跌了餅餅落地, 穎穎以家姐口吻說:
"跌左餅餅, 唔可以食.... 要掉去垃圾桶", 然後取笑雯雯, 對著她不停笑
穎穎像個大家姐, "一論咀"教訓妹妹, 原來穎穎不知不覺學了這麼多形容詞
* * * * * * *
晚上, 穎穎玩完玩具, 爸爸叫她收拾, 說: "穎穎, Tidy up 玩具"
穎穎就說: "我幫你手丫~" (明明係穎穎的個人責任啊~ 不是幫爸爸啊!)
我反問穎穎: "D 玩具係邊個架!?"
穎穎答: "係雯雯架!" (唔係呀嘛, 唔想收拾就話D 玩具唔係佢, 真係好古惑) Date: 2 April, 2010 ~ Age: 2Y5m3w
這天, 我拉攏穎穎和妹妹一起玩, 親親妹妹,
我說: "過黎攬雯雯丫~"
穎穎回應: "唔攬呀, 好攰呀!"
想不到穎穎拒絕我, 還用"攰"來作籍口, 實在太可惡啦.
Date: 10 April, 2010 ~ Age: 2Y6m
這天, 我化了個淡妝, 我問穎穎: 我塊面有咩唔同左?"
穎穎答: "顏色唔同左"
哈哈, 穎穎這個答案頗出人意表, 以為她會讚我靚,
原來她認為只是顏色不同了.Date: 1 May, 2010 ~ Age: 2Y6m3w
穎穎見到雯雯咬著毛公仔, 便說: "雯雯好古惑啊~"
究竟穎穎明不明白[古惑]是什麼意思啊?
* * * * * * *
有時我會問問穎穎有無做過某些事, 看看小妮子的記性.
我問穎穎: "頭先邊個出街? 雯雯有冇出街?"
穎穎答: "雯雯冇啊, 太細個 lu ...... 唔出街啊" (忽然覺得穎穎好老積!)
我問: "咁穎穎有冇出街呀?"
穎穎答: "有啊, 我大個女啊", "冇瞓過晏覺."
她, 能說出如此的話, 真的又大個女了
Date: 10 May, 2010 ~ Age: 2Y7m
穎穎說: "媽咪, (我) 肚痛呀"
我問: "你肚痛呀? 食左咩呀?"
穎穎: "薯條~"
我問: "吓!? 你o係邊度食薯條呀?"
穎穎: "麥當勞~" (好奇怪啊! 今天沒有外出, 穎穎竟然話o係麥當勞食薯條, 唔通係佢幻想出來?
我從未帶過穎穎去麥當勞食薯條, 我感到奇怪地對穎穎說: "吓!? ......."
穎穎回應我: " (食得)太多啦.... 好辛苦呀....."
想不到她明白食得太多會肚痛, 想不到她懂得用[辛苦]這個形容詞.
當jophy 病既時候..佢會同我地講..佢病得好辛苦..我好累..好陰公..
當弟弟喊果時..佢又會問弟弟咩事? 姨媽話唔要弟弟.jophy 又會話你唔好唔要佢啦..
當jophy 病既時候..佢會同我地講..佢病得好辛苦..我好累..好陰公..
當弟弟喊果時..佢又會問弟弟咩事? 姨媽話唔要弟弟.jophy 又會話你唔好唔要佢啦..我叫佢乖啦...跟手又會同弟弟講..你乖啦..唔好曵啦...哥哥鍚番..
聽既時候真係覺得佢地大個左好多..