Date: 5 April, 2010 ~ Age: 穎 2Y5m4w /
雯 8m2w1d
穎穎成日好大力咁攬妹妹, 初頭佢係唔識就力.
後來看到雯雯被攬到又叫又喊, 就覺得好好玩好得意,
於是成日特登大力攬住雯雯. 可憐的雯雯成日被攬到痛痛, 向後跌倒.
依家雯雯真係驚左家姐, 見到家姐張開手就"八字眉"和爬走.
{ 看雯雯"八字眉", 就知攬得唔舒服 }
{ 雯雯在抗議, 叫到好肉緊 }
{ 嘗試整開家姐的手 , 而穎穎, 一睇就知佢特登整古雯雯 }
{ 你睇雯雯個樣幾無助兼無奈 }
{ 我不停叫穎穎唔好大力攬雯雯, 叫佢鍚鍚雯雯, 佢又交下功課, 鍚左幾啖 }
{ 雯雯被家姐又攬到唔舒服, 極度忟憎 }
{ 可憐的樣子...... }
{ 無助的樣子 ...... }
{ 轉頭又黎過, 穎穎真係無野好玩, 又整古妹妹 }
{ 雯雯忍無可忍, 最後爬走左, 你睇穎穎個樣, 陰陰咀笑, 好可惡啊 ! }
{ 轉頭又攬過, 雯雯喊晒口 }
{ 雯雯拗腰爭脫喇 }
{ 爭脫了 }
{ 但起唔到身, 隻龜龜頂住 }
{ 起唔到身 }
每一次教導穎穎不能這樣, 要愛鍚妹妹, 穎穎總是不聽從, 有很大的反叛心理.
媽媽也有一弟一妹, 我想我們都是這樣長大的. 我很明白大家姐大哥哥總對弟妹有點欺負,
我想對穎穎和雯雯說, 你們只有這個胞姊/胞妹, 你們是一生一世的姊妹, 一生一世的朋友. 無論將來發生什麼事, 你們也得要真心原諒對方, 愛護對方,
如同父母愛你們一樣. 而我, 一定會好好教導, 現在你們年紀尚小, 我定必盡我能力教好你們.
我好掛住雯雯啊....
穎穎, 你唔好咁得戚, 雯雯好快大個就識反擊, 唔會比你哈到架啦!