穎穎雯雯成長日記: 超級管家婆

2013年8月19日星期一

Date: 4 April, 2011 ~ Age: 3Y5m3w

這個星期, 穎穎變得大個女, 可以用以下形容詞來形容她: 我說的"超級大家姐風範", "超級管家婆", 婆婆說的"學講個妹是非", 告狀, 老積, 成熟, 關心身邊的人.

我想是因為有妹妹陪伴成長的關係, 加速了穎穎言行舉止的成長, 她更加關心妹妹, 常以大家姐語氣教導雯雯, 例如教她玩配對形狀玩具, 說: "雯雯擺呢度丫", 唔係咁呀", "要對位", "你試下啦".

有時穎穎又要教訓雯雯, 說: "唔好咁樣呀!", "唔好瞓地下!", "唔好爬椅呀!"

當大人在穎穎附近, 穎穎會向我們"報告"雯雯的曳事/惡行, 尤其是在一家人吃晚食時, 一邊吃飯一邊大聲向我們說: "媽咪, 雯雯搞快子呀!", "婆婆, 雯雯搞快子呀!", "媽咪, 雯雯掉紙巾落地呀!", 媽咪, 雯雯揭起衫, 露出肚臍呀!"

一輪似是機關槍說個不停.

我說: "得啦, 唔該晒, 我會教雯雯. 你真係好家姐."

但穎穎仍毫無止境繼續"報告"雯雯的曳事/惡行, 有時跑入廚房說: "婆婆, 雯雯XXX, 雯雯XXX", 有時跑入書房說: "公公, 雯雯XXX !"

我有時也會覺得穎穎很煩, 說: "得啦, 我睇到, 你食飯就唔好講野, d 飯會跌落你喉嚨, 會濁親會咳咳!"

穎穎仍是管家婆般說: "媽咪, 你同雯雯講道理啦, 叫佢唔好XXX"

大人們都沒她好氣, 穎穎很留意妹妹的一舉一動, 見到有少少不對, 立即向大人報告, 叫大人向妹妹說教.

穎穎這個行為並不是對妹妹有敵意, 我看得出她真心想妹妹好, 對妹妹要求高, 同時她在模仿著大人的口吻向妹妹說教.

除了"管"著妹妹的曳曳行為, 穎穎也非常關心妹妹, 由以下小事可以看出:

雯雯玩耍時不小心, 腳掌(foot) 撞到了東西, 痛得叫喊, 穎穎立即上前安慰她, 說: "雯雯! 痛唔痛呀? 下次小心d 啦! 你痛唔痛呀? 唔洗驚架! 少少痛架咋."

穎穎說罷即彎低身子, 吻了雯雯的腳掌一啖, 說: "冇事架!"

看得我心都甜了, 有姊姊的妹妹真幸福.

有時候穎穎對雯雯好, 照顧了雯雯, 或幫了雯雯, 即走到我面前說: "我真係好好人架!"
我聽完即笑了出來, 心諗: 邊有人自己讚自己架! 哈哈!

穎穎真是盡顯大家姐風範, 同時我亦從她身上見到一面鏡子, 看見了我自己...
她會以我的口吻教導妹妹, 教她玩玩具等等.

這個穎穎豬, 近來也"管"她的母親大人了, 有天 (4月5日), 穎穎在吃晚飯時, 皺起眉對我說: "媽咪, 你食多d 飯啦!", "你唔食飯就唔長高架!", "媽咪你好矮, 矮 daddy 少少, 你食多d 飯就好似 daddy 咁高架啦.", 真的很心甜, 穎穎說話又成熟了.

我回應她說: "你應該講daddy 高過媽咪, 唔係媽咪矮過 daddy !"
有天晚上, 穎穎又走過來對我說: "媽咪, 你快d 去刷牙啦! 如果唔係就有細菌, d 細菌會咬你d 牙, 好痛架!", 完全學晒我! 我以前說過的話, 她100% 反過來對我說.

不過, 對於穎穎報告亞雯的曳曳行為, 我就覺得她很長氣, 如我沒有教訓雯雯, 穎穎便繼續重複說: "媽咪, 雯雯XXX 呀!"

遲d雯雯再大d, 屋企有兩個管家婆添呀!! 哈哈!!

穎穎雯雯成長日記