Date: 14 Sept, 2010 ~
2Y11m5d
我的女兒一向很少表達內心感受, 我亦覺得她的思維是很童真.
很多時候問她為什麼這樣做? 為什麼那樣做? 為何開心? 為何傷心? 今日做過什麼?
她都是沉默不語, 不作回應. 可能她不想答, 也可能是她不懂用長句子去說出來.
另外, 穎穎的確很童真(應該說是不成熟), 有時在她扭我抱抱的時候, 我說媽媽的腰很痛, 或媽媽剛撞傷了膝蓋很痛, 不能抱她,
但穎穎聽罷好像聽不明白, 繼續扭計要抱抱. 穎穎的朋友仔很多都很生性, 這個時候應該會問候媽媽.
有一次在兩母女言談間, 我又說起媽媽生穎穎時的經歷, 肚子何如何如痛, 穎穎聽罷好像聽不明白, 不作反應, 不作回應,
所以我覺得穎穎的思維是很童真.
今天晚上, 穎穎雙手捧著一個大的膠玩具箱走過來叫我打開, 在行到我面前, 忽然雙手無力鬆了手, 玩具箱跌在我的膝頭上,
流了少少血.
臨睡前, 穎穎飲完支奶奶, 說: "媽咪抱~ 企起身~ " (即是要我站著抱她, 哄她睡覺)
我說: "今晚媽咪膝頭流血喎, 痛痛抱唔到你啦~"穎穎繼續扭: "媽咪抱媽咪抱~"
我說: "你記唔記得你個玩具箱 dug 到我膝頭, 流血呀, 痛呀, 我抱唔到你啦~"
我說罷穎穎即刻大聲痛哭.我便認真起來, 說: "我地傾下計先, 點解喊呀? 係咪唔開心?"
穎穎答: "係呀."
我問: "點解唔開心呀?"
穎穎答: "穎穎玩具箱整到.... 媽咪膝頭....流血."我說: "啊~ 咁唔駛喊. 不如你幫我去攞塊膠布, 幫我"簾"o係個傷口度, 然後鍚番我膝頭一啖丫." "o黎, 我地去客廳 攞膠布."
如是者平息了這場睡前大哭的風波.
原來穎穎今次哭不是因為媽媽不抱抱她, 而是她知道自己弄傷了媽媽, 會因為媽媽流血而傷心.
現在, 穎穎的思維發展, 情感發展和情緒發展又成熟了.
{{ 今晚, 在穎穎傷心到喊o既時侯,
我當然唔會咁衰仔影佢個樣啦, 貼上一張舊o既喊喊樣}}
{{ 就係呢個小傷口, 令我第一次感受到穎穎識得關心媽媽啦.
}}
- 穎穎識得關心媽媽, 又進步左啦!Reply this comment
-
我家兩豆丁 - audreyMAmi佢可能係蝦媽媽你啊．．． 哈哈~~Reply this comment
