Date: June, 2010 ~ Age:
由出世到現在
雯雯係一個好奇BB,
佢對大人同家姐仔o既五官特別感興趣.
佢好鍾意用食指篤(探索)我地d 眼, 篤我地d鼻,
用兩隻手"撬"開我地個口,
繼而用食指篤我地d 牙, 摸我地條脷, 甚至越申越入幾乎掂到喉嚨吊鐘.
公公抱住佢o既時候, 公公就被佢篤完五官再被佢扯頭髮,
搣下條頸d肉.
我瞓o係床度攤抖, 佢就篤完我五官再扯我眼鏡同扯髮夾,
然後咬我o既眼鏡同髮夾.
家姐仔瞓o係度攤抖, 雯雯又用手指篤下家姐隻眼, 扯下佢個髮圈,
然後再咬下個髮圈.
總之, 雯雯隻手一定要有d 野揸住,
所以我地o既喉嚨位置(頸)成日被佢搣到痛痛地.
雯雯o既插眼篤人口口鼻鼻次數比穎穎姐姐細個時更多.
BB好奇係好正常, 但我地就好少少煩囉
我想快d有呢種煩嘢!! 哈哈~~ 我變態架!
Reply this
comment
-
穎穎雯雯媽咪
