問題少女-[點解點解]

Date:  Mid of Dec, 2010 ~ Age:  3Y2m

穎穎近來喜歡問我[為什麼], 她開始對人物, 事件有思考, 會思考問題了.

從前我對穎穎說故事書, 她只是聽, 聽完便罷了.

近來, 每次我說故事書, 每一頁, 她都會問我問題, 當然這些問題是和故事書中的劇情有關.  最搞笑是她每次看同一頁, 會問我相同的問題, 實在是明知故問啊!

一個我覺得經典的例子是, 在我讀這本故事書, 我真的被她問到"口啞啞":

穎穎Question :  "點解傑琪(最細粒的就是傑琪) 甩左頂帽o既?",  我 Answer :  "因為佢頂帽被風吹走左"

穎穎Q:  "點解隔離個bear bear 冇甩o既?", 我 Answer :  "....."

穎穎Question (講緊書中中央位置戴帽的小熊) :  "點解唔除帽o既?"

我 Answer :  "佢除架啦, 佢除完衫先除帽"  (作者畫緊隻熊未除帽之嘛!  好難答呀!)

穎穎Question (講緊那個掛帽子的架) :  "點解有點紅色?"

我 Answer :  "因為呢個係支架, 冇掛到帽, 咪見到紅色一點囉.)

穎穎Question :  "點解唔掛帽?"

我 Answer :  "掛晒架啦, 作者畫多左個支架之嘛."

穎穎說:  "哦~", "點解熊bear bear 唔同傑琪食雪糕o既?"

我 Answer :  "佢地冇救傑琪, 傑琪淨係請北極熊食咋"

穎穎Question :  "點解傑琪食雪糕o既?", "點解佢地(指左邊的 bears) 唔食o既?"

穎穎Question :  "點解傑琪唔著鞋o既?", 我 Answer :  "因為佢坐o係個西瓜上面, 唔想整污嘈個西瓜"

穎穎Question :  "咦, 咁點解 bear bear 著鞋o既?"  (亞囡, 好難答喎!)

我 Answer:  "因為佢地冇踩住個西瓜, 可以著鞋"

穎穎Question :  "咦, 咁點解佢地唔瞓o既?"

我 Answer:  "佢地好似你咁, 要扭一扭計先至瞓覺"

穎穎Question :  "哦~  咁點解老鼠(右頁上方位置) 唔瞓o既?"  (亞囡, 好難答喎!)
我 Answer:  "啊~  佢地依家返緊入個洞度, 去瞓架嘛."
穎穎Question :  "點解老鼠佢唔返入去o既?"

我 Answer:  "啊~  作者未畫啫, 佢地會轉彎, 返入去個洞度架喇."

穎穎真係每一頁都問我一兩個問題架!  每次睇, 每次問 same questions, 但我都仍然樂意答佢o既.  我要做一個親切又會聆聽子女的媽媽嘛.

另外, 穎穎有一個幾搞笑的問題:  書中左邊的小朋友的右手.

穎穎問我:  "咦, 點解甩左手o既!?"

我答:  "佢隻手冇甩, 作者唔記得油顏色啫~"

奇怪的是, 穎穎除了對書中的角色和事件有"點解"這個求知慾之除, 她對日常生活的人和事都很少提問"點解".

我覺得這個問題少女的提問是屬於[初階]階後, 她那些"故事書問題", 我可以"老作"一個答案, 如果將來她對日常生活所我提問, (例如點解d草係綠色之類的問題), 到時候我一定要幫她找到絕對正確的答案喇.