Date: 5 May, 2010 ~ Age:
2Y7m
自理方面
- 識自己扣好衣鈕, 識自已除衣鈕
- 識自己穿學習褲和褲子
- 識自己除鞋子襪子, 穿鞋子. 未識穿襪子
- 戒片片 - same as 兩歲半的網誌
{{ 你睇, 穎穎唔知係咪玩到無野好玩,
穿左我件裇衫, 自己扣好全部鈕, 我對她說不需扣頸喉鈕, 小心頂住喉嚨, 但穎穎固執病又發作,
堅持全部鈕子一定要扣好}}
{{ 穎穎經常把眼鏡帶錯方向
!}}
{{ 瞓覺仍是穎穎最煩人的問題, 不過呢一日,
自己玩玩下瞓左}}
說話方面
- 說話時, 會以[我]字開頭, 例如[我飲水], 即表示我想飲水; [我唔玩積木, 我煮飯仔]
- 識更多形容詞, 例如我們將穎穎最怕食的黑色咳藥水加入稀奶中, 她一飲就知道了, 便說: "唔好食"- 會發問更多可笑的問題, 例如見到電視劇集何韻詩用頸巾遮住塊面, 整古做怪, 穎穎竟然問我: "e 個係咪 Music 呀 ?"
- 有一日穎穎飲維他奶, 一邊飲一邊說: "Daddy 唔飲維他奶, 飲氣水"
- 說話越來越有成人的口吻, 如果她弄不見大人的東西, 我面露不悅, 穎穎就說: "唔緊要, 淨間搵返丫", 好像在安慰我, 令我哭笑不得.
- 從穎穎的說話及與人對話中, 可以看出穎穎有邏輯思維了
玩樂篇
- same as 兩歲半的網誌
- 畫畫仍是塗鴉, 沒有概念地畫
- 當一家人駕車外出時, 爸爸下車去買東西, 穎穎就會由後座上前去司機位, 摸著軚盤扮駕車,
時而回個頭望一望我微笑.
- 出街不會要求爸爸媽媽買玩具買小食給她, 穎穎滿足於 window shopping
- 這個立體, 有六個面, 六幅砌圖的 puzzle, 是婆婆買給穎穎的玩具, 相當益智, 穎穎可以不看包裝附上的
picture, 自己砌下砌下, 轉下角度, 就砌好了一幅正確的 picture.
這個玩具, 我有玩過, 是有難度的, 因為一粒正方形, 有六個面, 但因為每一幅 picture 都是 Winnie The
Pooh 和他的朋友在郊遊活動之類, 很多花花草草樹葉, 真是很難找出正確的一塊積木, 塊塊面都差不多.
現在, 穎穎已經玩到爐火純青, 她已經將d 積木玩其他d 玩意喇, 今天放工回家, 她說: "媽咪, 蛋呀 ~",
初時我都"R" 晒頭, 睇睇下, 原來穎穎砌了一個蛋的外形! 她用積木砌出一幅畫來 !
{{ 穎穎仍然是最喜歡玩積木, 喜歡砌砌砌
不喜歡玩洋娃娃和毛公仔}}
{{ 近期爸爸媽媽最愛看的韓劇 -
豬兜王子復仇記
男主角很像金誠武 +
古天樂}}
煩氣事件
- 近來堅持要參與洗奶瓶這項家務, 穎穎會推一張椅子靠近洗手盆, 然後爬上去, 雙手浸在洗奶瓶的玻璃兜裡, 不停搞奶瓶,
又拿起"擦子"搞盆水, 令我勞氣到不得了.
當我責罵她, 她就說: "我搵 Daddy
先!", 很明顯她是轉移視線, 實在激氣呀!
- 仍是日間嘈著雯雯妹妹, 令雯雯睡得不好.
- 因為妹妹的關係, 近來發現穎穎會維護自己的財產, 即玩具, 衣服, 片片, 奶瓶, BB車
曳曳事件
- 每當我拿起相機, 穎穎一定會過來搶了我的相機, 然後拍過不停, 她, 要模仿大人嘛, 以下是她的"攝影作品"
- 2 May, 2010, 在婆婆家吃飯時, 穎穎第一次看到"獎門人"坐氣球的遊戲; 食完飯返上樓上,
竟然學人嘗試坐爆今天中午造的雪糕筒氣球, 又叫我扶著她雙腿嘗試用心口壓爆氣球, 模仿力極強, 電視對小孩的禍害由此可見 !
- 11 May, 2010, 發生了一件極度曳曳的事件, 其實她的動機不是曳曳, 而是她在模仿大人的行為. 這天,
穎穎如常在公公婆婆家, 下午公公外出, 婆婆出了花園做點家務, 穎穎在屋內拿了婆婆的一"抽"鎖匙, 然後鎖了鐵匣, 反鎖了自己和雯雯在屋內, 嚇C
婆婆.
好彩這幾天亞姨不用上班, 在屋內睡覺中, 否則反鎖了兩個豆丁, 唔餵親都嚇親啦!
我們驚訝穎穎不知不覺間原來已懂得選出正確的鎖匙 (一"秋"有8條鎖匙架!) , 舉高手把鎖匙插入小孔, 再轉一轉.
- 有欺負妹妹, 拍雯雯的頭, 咬雯雯的手指, 兩姐妹玩玩具時, 穎穎有時會推開雯雯的手, 有時當雯雯扶著床欄企,
穎穎會推開雯雯的手. 這方面我們要加把勁解決此等問題.
仲有識砌puzzle好叻呀!
穎穎識講好多野呀! 佢地依家講野真係好似大人咁, 學埋晒d語氣個d, 好好笑~