Date: Dec, 2010 ~ Age: 3Y2m
話說有一晚, 穎穎在我的床上咳到嘔奶.
臨睡前, 穎穎遞上她的小枕頭給我, 對我說: "媽咪, 你瞓呢個枕頭丫~"
我: "唔洗啦, 你瞓啦~"
穎穎說: "媽咪, 你瞓呢個枕頭丫~"
我問: "點解呀? 點解你比個枕頭我?"
穎穎答: "因為呢, 穎穎嘔奶, 整濕媽咪枕頭.... 我比我個枕頭你啦~ 你用我個枕頭啦~"
忽然我覺得穎穎有好責任感, 我真的很安慰.
Date: 20 Jan, 2010 ~ Age: 3Y3m1w, 天氣寒冷, 13 ~
14度
話說這天我在家中試衫, 正為公司的Annual Dinner 選飲衫, 我穿上了一條閃閃珠片的吊帶連身短裙, 我問穎穎:
"靚唔靚呀? 媽咪聽日著呢條裙好唔好?"
穎穎答: "唔好呀! 呢條裙.... 會好凍架! 你d 手.... 腳都會好凍架! 穿第二d 衫啦!"我覺得又好笑又好warm, 原來亞女好關心我架!
Date: Jan, 2010 ~ Age: 3Y3m
某天, 我和穎穎玩搓[包剪鎚], 穎穎成日"彈弓手"要win, 我即面黑黑唔開心, 穎穎見狀即氹我, 說: "媽咪你出剪丫~", 我冷冷回應: "唔玩啦~ 你唔跟 rule o既!"
穎穎就一輪咀說: "玩啦, 你出剪啦, 我出包啦....."
睇黎佢知衰想氹番媽咪.
Date: 20 Jan, 2011 ~ Age:
3Y3m1w
穎穎驚喜語錄:
o係屋企無啦啦唸出三字經: "人之初, 性本善, 性相近, 習相遠, 苟不教, 性乃遷, 教之道, 貴以專, 昔孟母, 擇鄰處, 子不學, 斷機杼, 竇燕山, 有義方, 教五子, 名俱揚, 養不教, 父之過, 教不嚴, 師之惰, 子不學, 非所宜, 幼不學, 老何為."
我心諗: "嘩~ 我都背唔到囉~"o係屋企無啦啦唸出三字經: "人之初, 性本善, 性相近, 習相遠, 苟不教, 性乃遷, 教之道, 貴以專, 昔孟母, 擇鄰處, 子不學, 斷機杼, 竇燕山, 有義方, 教五子, 名俱揚, 養不教, 父之過, 教不嚴, 師之惰, 子不學, 非所宜, 幼不學, 老何為."
我問佢: "仲有冇呀?", 穎答: "冇喇~"
我問: "邊個教你架?", 穎答: "馮老師"
小朋友的腦袋果然像海綿般吸收力強.
Date: 3 Feb, 2011 ~ Age: 3Y3m3w
(兔年年初一)
大年初一早上, 我派利是給穎穎, 說: "媽咪派封利是比你啦~ 祝你新年快樂, 身體健康!"
穎穎說: "我唔要" (我即刻有少少嬲)
我問: "點解呀?", "係祝福黎架!"穎穎說: "我唔要利是!", "我要派利是!"
我覺得好好笑, 說: "你都未結婚, 你唔可以派利是架"
穎穎駁咀: "我結左婚啦!"
我問: "你同邊個結左婚?" 穎穎答: "我同媽咪結左婚."
我說: "梗係唔得啦, 媽咪同 daddy 結左婚"
穎穎又說: "我同婆婆結左婚"
我說: "梗係唔得啦, 婆婆同公公結左婚"穎穎說: "咁我同雯雯結婚"
我說: "唔得架, 女仔唔可以同女仔結婚, 女仔要同男仔結婚, 咁你想同邊個結婚呀?"
穎穎答: "鄧XX" (佢幼稚園個同學)
我說: "我唔識鄧XX喎~ 你可唔可以講個我識架?"
穎穎答: "我同當當結婚"
- 好誠實喎穎穎. 哈哈哈哈哈哈哈哈~~Reply this comment
