Date: March, April, 2010 ~ Age: 穎 2Y5m
/ 雯 8m
呢個家姐仔真係衰, 雯雯坐BB 車, 穎穎就迫埋去叫嚷要比佢坐, o係條街度叫到嘈晒, 大叫: "穎穎架! 穎穎架!",
我就同佢講道理, 最後都因為我口乾而被迫讓BB 車個位比穎穎, 我就手抱雯雯行.
放雯雯坐在音樂搖搖椅上, 諗住可以行開做下家務, 但家姐仔又走過來, 迫埋去雯雯度, 係要坐下張音樂搖搖椅,
有種[人有我有]的心態, 雖然未至於係妒忌心, 但因為佢唔識就力, 成日壓迫到雯雯有少少痛, 不停大叫 (投訴).
{ 穎穎一坐埋落去亞妹張搖搖椅, 就一副笑笑口的樣子 }
{ 雯雯想用手推開家姐, 穎穎就仲開心, 笑到咔咔聲 }
{ 我訓話下穎穎, 佢就左耳入右耳出 }
{ 穎穎好鍾意又走埋去雯雯度, 瞓落佢身上 }
{ 這天, 穎穎埋去雯雯度, 捉住佢隻手, 因為穎穎唔識就力, 搞到雯雯好唔舒服 }
{ 雯雯想話轉身逃離家姐的"魔掌", 拗晒腰, 但都係失敗, 我真係好驚雯雯"nut" 臼呀! }
{ 這天, 雯雯在一個人玩玩具, 穎穎又迫埋去 }
{ 穎穎成日將自己個頭迫去亞妹個頭度, 搞到雯雯頭殼頂好似千斤墜咁 ! }
{ 穎穎又成日摸和搶雯雯手中的玩具 }
{ 搞到雯雯皺晒眉 }
{ 穎穎有時又會搞下雯雯的耳仔; 因為迫埋亞妹度, 所以會壓住雯雯的下半身 }
{ 穎穎整古雯雯時笑笑口 }
{ 雯雯好嬲好無奈, 因為雯雯仲係一舊飯, 所以唔識反抗, 唔識鬧番人 }
{ 你睇雯雯隻耳反左少少出來 }
雯雯想話逃離魔掌, 可惜又失敗, 仲跌到成塊面趴左落地
雯雯趴落地時, 隻手係捉住我的衣服, 證明佢想找媽媽求救 (一隻小腿仲係比家姐坐住) }
"雯雯, 我一定會好好教導你家姐, 現在你就當這是鍛鍊一下體格吧.
家姐只是一個兩歲半多的小孩, 小孩的行為就是這樣淘氣,
我相信如果雯雯是家姐, 穎穎是細妹, 雯雯也會做出如此淘氣的行為.
生兩個小孩, 就是希望你們學習不要以自我為中心,
不要以為自己是公主, 不要做家中小霸王.
生兩個小孩, 是要你們學習與人相處, 學習愛別人,
學習分享, 顧及他人感受, 忍讓, 照顧別人, 學習解決問題.
到你們再長大些, 就學到了真真正正的一齊玩"
穎穎家姐, 你唔好咁百厭啦, 要好好愛錫妹妹架!
穎媽, 你都要睇緊d, 我都驚穎穎唔識就力, 整痛雯雯, 屈到佢隻手仔呀!
Sorry呀，可能我太多事，不過我真係有感而發，如有冒犯請包涵呀！