雯雯講野好叻叻

Pageviews 117 
Date:  Dec, 2011 ~ Age: 2Y5m我覺得雯雯說話發展遲,但進步速度快,現在的她比家姐的說話能力好.
還記得穎穎這個年齡會"搭人口水尾",例如我問:"帶你去街街好唔好?", 穎穎會答:"好~",如果我問:"唔帶你去街街好唔好?", 她仍是答:"好~"
而雯雯的對答沒有"搭人口水尾",她有邏輯思維,例如問她:"去婆婆度好唔好?", "落地行好唔好呀?", 她都識表達答我"唔好呀~"

雯雯學我們的俚語也學得很快,例如見到她砌puzzle,當她砌不到,我說: "你試下轉下塊puzzle, 試下啦~",她就答我: "由得佢咁樣先啦~",真係好老積啊~
例如家姐曳,我責備穎穎,雯雯就對我說:"由得佢咁樣先啦~",雯雯真係愛家姐,又會幫家姐口,好抵鍚.

 Date:  Jan, 2012 ~ Age: 2Y6m(8 Jan, 20120) 有一次好搞笑...雯雯玩puzzle,砌到最後發現少了一塊,砌圖中間"穿了一個洞",我對她說:"你之前無tidy up,所以無左一塊puzzle.", 雯雯便輕描淡寫地說:"哦~",好像豪不在乎似的,然後更補充一句:"由得佢咁樣先啦~"
說話學足大人,這並不是從家姐身上學的.

(9 Jan,2012) 有一次比雯雯激C,說她蠢還是轉數快好呢? 放工回家看見穎穎不停用手擦眼睛(捽眼),眼睛又紅又腫,我和爸爸立刻帶穎穎去看醫生,雯雯見狀便嚷著說:"雯雯又出街呀!",我和爸爸急急的出門.
看完醫生回家後,雯雯即上前在我們面前用手擦眼睛(捽眼),一邊捽一邊說:"雯雯又係睇醫生呀!",她竟然想出街便想出捽眼呢招,真係激C!

近來雯雯整古媽媽的一招,是望望下媽媽的粉臉時,用手指翻出媽媽的下唇,她看著紅卜卜的下唇裡邊,說:"士多啤梨呀~",
吓,真係好似士多啤梨咩?

除了說話有進步,雯雯好識"聲東擊西",有時我對雯雯說:"你好曳呀!",雯雯即說:"家姐好曳呀!"
有一次吃過晚飯後,看到雯雯的桌面,椅子有飯粒,便對她說:"你食到D飯跌晒落枱啦,好污嘈", 雯雯即轉移視線,說:"家姐食得好污嘈呀~"
雯雯也喜歡提升自己的印象分,有一次(25 Jan,2012) 她無端端對我說:"家姐唔乖呀~",我問:"點解呀?",雯答:"因為...雯雯乖囉~"
真係比這個小妹子搞到我忍唔住笑.