Date: 13 Dec, 2010 ~ Age: since 3Y1m to
now
近這個月, 穎穎是比以前曳(頑皮)了很多, 不聽教, 會駁咀, 三歲一個月大的穎穎, 開始更獨立愛自主, 開始有反叛的性格,
會唔鍾意媽咪. 初為人母的我, 也是第一次為她的反叛期沮喪起來.
繼之前寫到穎穎整天無原無故地大哭之後, 她
Terrible Three 的表現是"唔聽話", "教極都唔聽".
- 咬東西, 放東西入口, 嘗試放東西入耳, 例如嘗試放蠟筆入筆 (好彩隻蠟筆好粗, 穎穎的耳孔很細, 放不入)
- 扭扭擰擰, 五時花六時變: 一時說要媽咪幫佢換衫, 媽咪來了又說要Daddy幫佢換衫, Daddy 來了又說要找媽咪,
隨時隨地改變主意. 大人不理睬她, 她就發脾氣, 當趕著出門去朋友仔聚會時, 我和穎爸簡直大動肝火, 破口責罵穎穎.
- 如故意拍打電腦的 keyboard, 對她說道理, 電腦會如何如何壞, 她是明白的, 但就故意繼續拍打. 我打她的手以示懲罰, 她又不怕痛,
繼續拍打.
- 晚飯時故意把"快"子含在口裡, 各大人都嚴詞訓斥她, 我甚至說會"篤穿喉嚨會死架", 她還是反叛地繼續做,
所以近來我已經要她一個人吃飯. 反而她一個人食飯是乖乖的.
- 近來常常搞電話, 亂按 button, 有時會意外地打了 999, 大人就好似捉雞仔般捉她落地, 公公說乾脆拔掉電話線,
我反對, 不可以這樣逃避她曳曳的行為, 我堅持要對她訓斥直至她停止為止.
- 12月8日, 我烚了一隻蛋給穎穎食, 叫她自己"搣"殼自己食, 初時見她"搣得唔好", 不小心食了少少殼(半粒米o既份量)
, 我隨口對她說: "唔好食d 殼呀~"
穎穎聽後好像很敏感, 故意放一片雞蛋殼入口, 咬咬咬, 我見狀喝令她: "做咩呀? 唔准食! 吐出黎!",
她就反叛地吞了落肚. 真係激到我紮紮跳.
我發現越叫她不准做, 她就故意做.
{{ 看! 在日本料理店, 影影下相, 穎穎忽然想放隻木快子入耳孔, 真係 Terrible! }}
Terrible Three 特徵二, 是駁咀, 每次穎穎做錯事或不乖, 我對她說道理, 說完我會問她: "明唔明白?",
她就故意大大聲地說: "唔明白!"
有時侯, 她就這樣回應我: "媽咪唔好講野啦!", 或者說:
"媽咪唔准講野呀!"
真係激C我啦! 有時白天鬧過穎穎, 晚上臨睡前她便說: "我要落婆婆度瞓", 我問她: "點解呀?"她就答: "因為我唔鍾意媽咪." (我真係好 hurt 呀, 但我裝作若無其事), 繼續問: "點解唔鍾意媽咪?"
穎穎答: "因為呢.... 媽咪成日講野" (我估她是說我成日鬧佢, 訓話佢)
我說: "你做錯事你曳, 媽咪一定鬧你, 唔准你咁樣, 你唔可以逃避, 唔可以下下唔開心就去婆婆屋企逃避, 你咁樣唔岩架",
"大人話你係教好你, 有d 事你唔可以做, 唔可以咬"快"子, 唔可以搞電話"..... "明唔明白?"
這時侯她就說: "唔明白!" (故意的, 真是反叛得緊要!)有時穎穎拿大人的東西玩, 我會說: "擺低!", 穎穎就駁咀說: "擺高!"
有一次(12月11日) 我問穎穎: "點解要激嬲媽咪?", 穎穎就答: "因為媽咪好麻煩.", 穎爸聽到就哈哈大笑, 說我的確好煩.
有一晚 (12月10日) 在我行入睡房時, 穎穎原本"瞓喺地下", 當我行到最近她時, 她故意轉一轉雙腿的位置, 想嚇一嚇我,
我當日反應不夠快踏在她的腳上, 她痛到大哭, 說要落婆婆家睡, 如是者擾攘了一晚.
第二天, 我問穎穎: "你尋日有冇喊呀?"
穎穎答: "有呀."
我問: "點解呀?"穎穎答: "扭婆婆計."
我問: "點解?..... 你鍾唔鍾意媽咪?"
穎穎答: "唔鍾意."
我問: "點解呀?"
穎穎答: "因為媽咪激嬲穎穎." (指我踩到佢隻腳, 好痛)
雖然我口中的 Terrible Three 令我很煩惱, 但朋友都說穎穎的Terrbile 比同年的小朋友實在算是小兒科了.
聽到朋友的故事, 我又覺得穎穎是最乖的一群.
咁真係駁咀喎, 我個件都有駁咀, 但就唔算太多, 不過都係成日公主病, 要所有人就晒佢, 而且都唔知點解成日咁好精力, 拖佢行都可以郁身..
咁真係駁咀喎, 我個件都有駁咀, 但就唔算太多, 不過都係成日公主病, 要所有人就晒佢, 而且都唔知點解成日咁好精力, 拖佢行都可以郁身郁勢, 行得好衰, 仲有以前好肯自己行既佢開始成日唔想行要人抱, 點算?
咁你知道我有幾可憐啦